Aniztasuna askatasunez eraikitzeko argazki lehiaketa abiarazi du Ernaik

Topatu | Iruzkinik ez

 

Sexu askapenaren gaiari "era desberdin batean" heldu nahi diote. Gazteon egunerokotasuneko 'aniztasun sexuala' irudikatzea helburu antolatu dute lehiaketa.

 

Aniztasuna eta askatasuna 'bizi' egiten direla iritzita, kamara bitartez egunerokotasuneko praktika askatzaileak biltzeko gonbita luzatu du Ernaik. Saririk gabeko lehiaketa antolatu dute ekainaren 28aren harira. Tresna bat sortzeko helburuarekin abiarazi dute dinamika, ateratako argazki guztiak bildu eta edonork erabil ditzan bultzatuko dute.

Heteroarautik irtetzen diren praktika askeak ikustarazi eta instituzio ezberdinek ezarritako "dezentzia" apurtu nahi dute. "Askatasunaren aurkako praktikaren bultzatzaile" direnak salatzeko gonbita luzatu dute: eliza, estatua, iragarki kapitalistak, multinazionalak eta sinbologia ezberdina gaitzetsiz. 

Jarraian lehiaketaren nondik norakoak:

• Lehiaketa bat egitea proposatzen dugu.
• Gure egunerokotasunean aniztasun sexualak irudikatzen dituzten momentuei argazkiak ateratzea, hauek guk eragindakoa izan daitezke edo ez.
• Lehiaketa honetan ez dago saririk, argazkien aurkezpen-esposaketa bat egingo da.
• Herri guztiek aukera edukiko dute ernaigazte.cc web orrialdean argazkiak jaisteko eta erabiltzeko, hau da, tresna bat eraikiko da.
• Argazkiak esplizituak zein abstraktuak izan daitezke.
• Kolektiboan eginda edo indibidualki.
• Norberari edo kaleko gertaera bati argazkia atera diezaiokegu.
• Aniztasun sexualaren aurka egiten dituzten instituzioen markaje bat egiteko erabili dezakegu; hau da, heteroarauaren bermatzaile nagusiei.
• Artearen bitartez gure mugak gaindituz.